Pas shumë raportimeve për të ardhmen e sulmuesit të Arsenalit, Alexis Sanchez, ka reaguar edhe vetë futbollisti.
Raportimet se ai do të largohet nga “Topçinjtë” shpërthyen pasi trajneri Arsene Ëenger e la jashtë ekipit startues për derbin me Liverpoolin në fundjavë.
Tani futbollisti, që thuhej se ka pasur përplasje me bashkëlojtarët, ka postuar në Instagram një mesazh para takimit të kthimit me Bayernin në Ligën e Kampionëve.
“Luftëtari i vërtetë lufton jo sepse urren ata që i ka përballë, por sepse i do ata që e mbështesin atë. Jepini ‘Topçinjë’. Dështimi i vetëm është të mos provosh”, ka shkruar ai, citohet Koha.
Ekipet takohen të martën në Emirates. Në ndeshjen e parë baverzët turpëruan Arsenalin duke e mposhtur 5 me 1. (b.an)
