Partia Socialiste e Punëtorëve arriti fitoren e parë në Parlament që pas zgjedhjeve kombëtare që u mbajtën në Spanjë.
Francina Armengol, e propozuar nga partia e kryeministrit në pushtet, Pedro Sanchez, mori shumicën e votave në raundin e pare për tu zgjedhur kryetare.
Kandidatja socialiste mori mbështetjen e plotë të partive të majta dhe të nacionalistëve, përfshirë partinë “bashkë për katalonjën”.
Mediat spanjolle thonë se Partia Socialiste ka arritur një marrëveshje mëngjesin e të enjtes me partinë e Karles Puzhdemun
Në këmbim të mbështetjes, socialistët premtuan të promovojnë përdorimin e gjuhës katalanase në Parlament, si dhe ti japin fund represonit mbi referendumin të mbajtur në Katalonjë.
Më 23 korrik, asnjë grup politik nuk siguroi votat për të formuar qeverinë e re. Partitë e majta dhe të djathta kanë pothuajse të njëjtin numër vendesh në Parlament dhe nacionalistët e Puzhdemun duan ta shesin mbështetjen për një ofertë të lartë.
Tashmë Pedro Sanchez do të kërkojë nga Mbreti mandatin për formimin e qeverisë së re.
/a.r
