Përballë zhvillimeve të reja, vendet anëtare të APEC-ut duhet të përfitojnë nga përvojat dhe mësimet e kaluara, t’u përgjigjen sfidave të kohës dhe të vazhdojnë të çojnë përpara integrimin ekonomik rajonal të Azi-Paqësorit, theksoi presidenti kinez Xi Jiping në një fjalim me shkrim në Samitin e CEO-ve të Bashkëpunimit Ekonomik të Azi-Paqësorit (APEC) në Bangkok të Tajlandës të enjten.
Xi bëri thirrje gjithashtu për përpjekje të përbashkëta për krijimin e hapësirave të reja të zhvillimit dhe ndërtimin e një bashkësie me një të ardhme të përbashkët të Azi-Paqësorit.
Ai paraqiti një propozim prej gjashtë pikash në këtë drejtim: forcimi i themeleve për zhvillimin paqësor, synimi i zhvillimit me njeriun në qendër, hapja e nivelit më të lartë, përpjekjet për ndërlidhje të nivelit më të lartë, krijimi i zinxhirëve të qëndrueshëm dhe të lirshëm të industrisë e furnizimit dhe nxitja e ngritjes së nivelit ekonomik.
Presidenti kinez Xi Jinping tha se “ne duhet të ndjekim një rrugë zhvillimi paqësor”, “një rrugë hapjeje e përfshirjeje” dhe “një rrugë solidariteti.”
Ai tha se Azi-Paqësori nuk është oborri i askujt dhe nuk duhet të bëhet një arenë e konkurrimit të fuqive të mëdha.
Asnjë përpjekje për një Luftë të Ftohtë të re nuk do të lejohet kurrë nga popujt ose nga kohët tona, theksoi ai .
