Pasi qëndroi në heshtje gjatë gjithë kësaj kohë për garën brenda PD-së, Sali Berisha sot u shfaq teksa hodhi votën në selinë qendrore.
Por dalja publike e Berishës foli në favor të kryetarit të vetëngrirë Lulzim Basha pasi ai e quajti në përputhje me statutin garën e zhvilluar për kreun e ri.
“Në vlerësimin tim gara është zhvilluar në përputhje me statutin, pati një moment në fillimin e saj, një gabim të zotit Paloka dhe zotit Spaho, të cilët shpallën datën, por kjo u rregullua.
Procesi është zhvilluar në përputhje me statutin.
Kam pasur mirëkuptim të plotë për të gjitha kërkesat qoftë për largimin e kryetarit apo për shtyrjen e datës së zgjedhjeve.
Nuk kam folur sepse kam dhënë dorëheqje pa rikthim nga partia
PD ka pësuar humbjen më të thellë në gjithë historinë e saj, por humbje fatale nuk ka, ndaj dhe ftoj çdo njeri që e do këtë parti të punojnë me përkushtim për një strategji të re.
Mund ti kërkoja edhe Bashës dorëheqjen, por kjo nuk është në Statutin e partisë sonë”, tha Berisha.
a.ç
