Kreu i Partisë Demokratike, Lulzim Basha e quajti ish-kryeministrin Sali Berisha një hije që sillet përreth selisë blu për të zgjidhur problemet që ka me Departamentin Amerikan të Shtetit.
Në emisionin “Open”, kryedemokrati shtoi se Kuvendi i 18 dhjetorit nuk do të jetë një datë për t’u marrë me të kaluarën, Sali Berishën, por për të zgjidhur krizën brenda partisë dhe për të menduar për të nesërmen.
“Sali Berisha është, siç e thashë aty, që më kishit kapur te ajo sinkroni, është tashmë rikthyer në veten e tij, në një hije që sillet vërdallë për t’i bërë derman vetes duke përdorur demokratët. Ne kemi tjera probleme, ne kemi, në radhë të parë vetë demokratët, kanë sakrifikuar kaq shumë këto 8 vite dhe sakrificën e tyre për demokraci, për një shtet normal, për një ekonomi normale për të gjithë shqiptarët, kanë investuar gjithçka, ata që s’kanë pasur asgjë kanë investuar shpirtin e tyre, familjen e tyre, jetën e tyre, ata që kanë pasur diçka kanë investuar çfarë kanë pasur. Jemi barriera e vetme kundër padrejtësisë së këtij regjimi dhe jemi mundësia e vetme për zgjidhjen e kësaj krize prandaj 18, nuk është një ditë për t’u marrë me Sali Berishën, zoti Sula, është një ditë për të parë drejt të ardhmes”, u shpreh Basha.
g.kosovari
