Salah Abdeslam, i dyshuari kryesor i atentateve në Paris, refuzon ekstradimin drejt Francës, njoftoi sot në Bruksel avokati i tij, Sven Mary, duke theksuar se klienti i tij është në paraburgim sipas ligjeve belge.
“Ai po bashkëpunon me drejtësinë belge”, tha avokati i Abdeslam.
“Për një orë, ne do të kthehemi, në kuadër të mandat arrestit evropian, ku Franca kërkon ekstradimin e tij dhe që tani mund t’ju garantojmë se do e refuzojmë një ekstradim drejt Francës”, deklaroi avokati për gazetarët në përfundim të një seance pyetjesh në selinë e policisë federale në Bruksel.