Ish ministri i Brendshëm Saimir Tahiri ka rithemeluar shoqërinë mediatike “Zëri i Popullit”. Sipas dokumenteve të depozituara në QKR, ish deputeti ka për qëllim të risjellë një ndër mediat kryesore të viteve të diktaturës por edhe të viteve të para të pluralizmit në vend.
Në të dhënat e aksionerëve shihet se ish-ministri është i vetëm në këtë ndërmarrje mediatike, me një kapital fillestar prej 100 mijë lekësh. Paraditen e sotme kujtojmë se Tahiri është parë në afërsi të shtëpisë së tij duke pirë kafe me drejtuesen e një portali të rëndësishëm si dhe me zëvendësdrejtorin e një prej televizioneve më të mëdha në vend.
Ndërkohë, subjekti si adresë ndodhet në rrugën ‘’Prokop Mima”, në afërsi të Komunës së Parisit. Ish ministri duket se ka marrë të gjitha masat që media e tij të jetë e licencuar dhe me aktivitet të rregullt, pasi ai e ka regjistruar në 13 shtator të këtij viti dhe si biznes në QKR.
ma.me
