Pak ditë pasi Krimet e Rënda zgjatën hetimet me tre muaj, ish-ministri i Brendshëm ka vendosur ta ankimojë këtë vendim në gjykatë.
Përmes shkresës Saimir Tahiri kërkon që Prokuroria të dorëzojë dosjen në Gjykatë.
Ai shprehet se organi i akuzës synon zvarritjen e hetimeve ndaj tij dhe kështu po pengohet dhënia e drejtësisë.
Mbi Tahirin rëndojnë akuzat e trafikimit të narkotikëve të kryer në bashkëpunim, në formë të posaçme të grupit të strukturuar kriminal, si edhe korrupsionin pasiv të funksionarëve të lartë shtetërorë.
Nisur edhe nga hetimet italiane, prokuroria dyshon se përfitime monetare kanë shkuar direkt tek ish-ministri i Brendshëm.
Duke sqaruar dyshimet për akuzën e ngritur, Prokuroria ka futur në akuzë edhe përdorimin e automjetit Audi, që ish-ministri i Brendshëm ja kishte shitur Habilajve.
Sipas Prokurorisë, ky automjet i shitur në 2013-n është përdorur më pas edhe nga vetë ministri i Brendshëm, Tahiri. Akuza e ngritur për veprën penale të korrupsionit, bazohet në dyshimin se Tahiri ka përfituar nga të arrestuarit në Itali.
/javanews/a.rada
