Ajo erdhi vet në Tiranë të merrte kalin që nuk po ia kthente ish-bashkëshorti Shkëlzen Berisha. Këtë gjë Sadija e paralajmëroi edhe në Facebook më herët ndërsa në një prononcim për Gazetën Shqiptare është shprehur se ky nuk ishte një mësim për Shkëlzenin.
“Unë nuk e bëra këtë për t’i mësuar dikujt diçka. Ajo që bëra ishte e drejta ime ligjore, si dhe kisha një detyrim moral, aq sa edhe emocional, ndaj vetes sime dhe ndaj Mary-t”, shprehet Sadije Berisha.
Ajo është pyetur edhe për qenin Rex, që tashmë jeton me Arminën dhe Shkëlzenin.
“Qeni, Rex, ishte një dhuratë e imja që ia kam bërë Shkëlzenit kur ne të dy ishim të martuar. Ndaj dhe nuk më përket mua, të paktën jo ligjërisht”, shprehet Sadija.
Në fund ajo nuk lë pa përmendur edhe rolin e mediave në gjithë këtë histori:
“Nuk mund ta mohoj që edhe mediat më ndihmuan në një farë mënyre për të marrë kalin tim”. tregon ajo
