Nga Eduard Zaloshnja
Duke kombinuar rezultatet e një sondazhi që zhvillova para një jave me të dhënat më të fundit zyrtare për numrin e banorëve në moshë për votim të çdo qarku, më rezulton se nesër do të marrin pjesë në zgjedhje përafërsisht 1.69 milionë votues, ose 60 mijë më pak se në zgjedhjet e para katër vjetëve.
Bazuar në këtë shifër dhe në numrin e zgjedhësve në lista, rezulton se pjesmarrja zyrtare do të luhatet nesër rreth 49 përqindëshit. Por nuk duhet harruar se vetëm 64% e zgjedhësve banojnë në Shqipëri – 36% të tjerë (ose 1 milion e 250 mijë) janë në emigracion.
Para katër vjetësh, pjesmarrja ishte 53.5%, por në listat zyrtare ishin ishin 180 mijë zgjedhës më pak. Ndër 180 mijë zgjedhësit që janë shtuar këtë vit në lista (sepse kanë mbushur moshën për votim) vetëm rreth 100 banojnë në Shqipëri.
