Shifra prej 1 milionë të papunësh, që prezantoi Koalicioni fitues në zgjedhjet e fundit në Shqipëri dukej e fryrë, por më e habitshme dukej shifra prej 140.000 të papunësh, që prezantonte ish-kryeministri Berisha.
Gjithsesi në një kalkulim të tij statistikor, Zaloshnja nxjerr se të dy forcat politike janë larg shifrave reale, që do të thotë se shifra e vërtetë e të papunëve në Shqipëri është krejt fiktive.
Duke iu referuar Zaloshnjës: Sipas tabelës “Përmbledhje e treguesve të tregut të punës vlerësuar sipas Anketës Tremujore të Forcave të Punës, Tr.1/12-Tr.4/14”, (http://www.instat.gov.al/al/themes/tregu-i-pun%C3%ABs.aspx?tab=tabs-5 ), në fund të 2014-ës, ka patur vetëm 227,786 të papunë në grupmoshën 15 vjeç e lart (Sipas standarteve ndërkombëtare të statistikave mbi punësimin, të papunë quhen ata që janë në kërkim aktiv të një vendi pune, por që nuk e kanë gjetur dot).
Ndërsa në qershorin e 2013-ës (sipas së njëjtës tabelë të INSTAT-it “të rilindur”), numri i rishikuar i të papunëve ishte 200,667 (INSTAT-i “i parilindur” e raportonte 140 mijë këtë shifër). Të dy këta numra te INSTAT-it “te rilindur” (që ndryshojnë vetëm me 27 mijë nga njëri-tjetri) janë shumë larg shifrës “1 milionë të papunë”…Po sa janë në të vërtetë? Këtë askush nuk e thotë në Shqipëri.
Redaksia Online
(JavaNews.al)
