Artisti Alkent Pozhegu tregoi se shpenzoi mbi 300 euro në materialet që përdori për të realizuar me grurë dhe oriz portretin e Rita Orës.
“Më janë dashur rreth 100 kilogramë drithëra,” – u shpreh ai, ndërsa sqaroi se ka pasur lloje të ndryshme të tipit: fara luledielli, grurë, oriz, fasule etj.
Pozhegu tha në një intervistë për Euronews Albania se nuk mundi ta takonte këngëtaren, por ajo e pa realizimin e portretit të saj.
Për të realizuar veprën, artisti rrëfeu se ka nisur punë rreth orës 8:00 dhe ka përfunduar rreth orës 14:00.
Pozhegu tregoi gjithashtu rreth procesit të punës, që kishte disa seanca parapërgatitje. Ai u shpreh se merrte një foto, e studionte për të kuptuar më pas llojin e drithit që do e ndihmonte për të realizuar veprën dhe në fund ndërtonte skicën që do i vyente për të kuptuar ku do i vendosë të gjitha drithërat.
/a.r
