Rusia ka bërë të ditur se avionët e saj luftarakë i kanë pakësuar goditje ajrore kundër kundërshtarëve të regjimit në Siri. Forcat e Asadit kanë ndërmarrë një ofensivë të gjerë tokësore, ndërsa presidenti rus Vladimir Putin kritikoi SHBA për mungesë bashkëpunimi për zgjidhjen e konfliktit. Teksa Moska e Uashingtoni iu afruan marrëveshjes për të shmangur konfrontimet mbi Sirinë, Rusia bëri të ditur është vendosur një linjë komunikimi me Izraelin, për t’u siguruar që të mos ketë përplasje midis forcave ajorre. Gjatë 24 orëve të fundit, Rusia ka kryer 32 sulme mbi objektivat “terroriste” njoftoi të enjten ministria e mbrojtjes, ndërsa një ditë më parë numri ishte 86.
