Rusia është në prag të mospagimit të saj të parë të borxhit që nga viti 1998, pasi afati për të bërë një pagesë interesi prej 100 milionë dollarësh po kalon. Rusia ka para dhe është e gatshme të paguajë, por sanksionet e bëjnë të pamundur marrjen e pagesave për kreditorët ndërkombëtarë.
Kremlini ka qenë i vendosur të shmangë dështimin e parë që nga viti 1998 dhe një goditje të madhe për prestigjin e vendit.
Ministri rus i financave e quajti situatën “një farsë”.
Rusia është drejt një rrugë të pashmangshme për të falimentuar që kur sanksionet u vendosën për herë të parë nga SHBA dhe BE pas pushtimit të Ukrainës. Këto kufizuan aksesin e vendit në rrjetet bankare ndërkombëtare të cilat do të përpunonin pagesat nga Rusia për investitorët në mbarë botën.
Pagesa e interesit e radhes prej 100 milionë dollarësh duhej të paguhej më 27 maj. Rusia thotë se paratë iu dërguan Euroclear, një bankë e cila më pas do të shpërndante pagesën tek investitorët.
Por kjo pagesë ka mbetur aty, sipas Bloomberg News, dhe kreditorët nuk e kanë marrë atë.
Euroclear nuk thote se pagesa eshte bllokuar, por tha se i përmbahet të gjitha sanksioneve.
Ministri i Financave Anton Siluanov pranoi se investitorët e huaj “nuk do të mund të merrnin” pagesat. Kjo ishte për dy arsye, tha ai. “E para është se infrastruktura e huaj – bankat korrespondente janë të ndaluara të kryejnë çdo operacion në lidhje me Rusinë. E dyta është se investitorëve të huaj u ndalohet shprehimisht të marrin pagesa nga ne.”
Për shkak se Rusia dëshiron të paguajë dhe ka shumë para për ta bërë këtë, ai mohoi se kjo përbën një mospagim të vërtetë, i cili zakonisht ndodh kur qeveritë refuzojnë të paguajnë, ose kur ekonomitë e tyre janë aq të dobëta sa nuk mund të gjejnë para.
Megjithëse falimentimi do të ishte një goditje simbolike, do të kishte pak pasoja praktike të menjëhershme për Rusinë.
Kombet që dështojnë zakonisht e kanë të pamundur të huazojnë më shumë para, por Rusia tashmë është e ndaluar të marrë hua në tregjet perëndimore nga sanksionet.
/a.r
