Rusia, Kina, Afrika e Jugut dhe Guinea Ekuatoriale kanë bllokuar nismën e Shteteve të Bashkuara për hartimin e një deklarate mbështetëse të Këshillit të Sigurimit të Kombeve të Bashkuara për liderin e opozitës në Venezuelë, Juan Guaido.
Përmes kësaj iniciative synohej që Kuvendi i Venezuelës të njihej zyrtarisht si institucioni i vetëm i zgjedhur në mënyrë demokratike. Kjo lëvizje u bë para takimit të jashtëzakonshëm të Këshillit të Sigurimit, i cili është thirrur me kërkesën e sekretarit amerikan të shtetit, Mike Pompeo.
Shtetet e Bashkuara të Amerikës dhe disa shtete tjera e kanë njohur udhëheqësin e opozitës si kreun legjitim të shtetit dhe kanë kërkuar nga Nicolas Maduro që të japë dorëheqje. Rusia i ka kundërshtuar përpjekjet e SHBA-së, duke e akuzuar atë për mbështetje të grusht shtetit në Venezuelë, shkruan “Free Europe”./a.meta
