“Lidershipi turk, përfshi këtu edhe Presidentin Erdogan dhe familjen e tij, janë të përfshirë në një tregti ilegale të naftës me Shtetin Islamik dhe për këtë kemi prova”. Kështu shprehet Ministria ruse e Mbrojtjes përmes Ministrit Anatoly Antonov.
Në një konferencë të posaçme për këtë çështje të mbajtur në Ministrinë e Mbrojtjes ruse, u tha se 3 janë rrugët e tregtimit të naftës mes ISIS e Turqisë, për të cilat Rusia ka informacion.
“ Sot po prezantojmë vetëm disa nga fatet që konfirmojmë që një skuadër e tërë banditësh dhe elitash turke, së bashku, po vjedhin naftë nga Siria. Kjo naftë hyn në turiq në përmasa mjaft të mëdha përmes mijëra kamionesh që mbajtë bote nafte”- tha Ministri Antonov.
Po sipas Ministrit të Mbrojtjes ruse, Turqia është blerësi kryesor i naftës që trafikohet nga Iraku dhe Siria.
“Sipas të dhënave tona, lidershipi kryesor politik i turqisë, përfshi këtu vetë Presidentin Erdogan dhe familjen e tij, është i përfshirë në këtë biznes kriminal.”- theksoi Antonov.
Në këtë konferencë, u prezantuan disa pofot që vërtetojnë pretendimet e rusisë si dhe disa video.
Për rreth dy muajt e fundit, rusia ka sulmuar rreth 32 komplekse nafte në Siri, 11 rafineri dhe 23 stacione të nxjerrjes së naftës.
Sipas të dhënave të besueshme, Turqit kanë kryer të tilla aksione për një kohë shumë të gjatë dhe në një bazë të rregult ditore. Dhe, cfarë është më e rëndësishmja, ata nuk kanë ndërmend që të ndalojnë. Një gjë është e qartë, roli që Turqia po luan në këtë arenë është në shumë aspekte, destruktiv dhe po afekton sigurinë e Europës dhe të fshqinjëve të tyre”- kështu u shpreh për agjensinë RT ( Russia Today) Uzi Arad, ish kreu i kërkimeve në Mossad ( Shërbimi inteligjent Izraelit)
SITUATA U PËRSHKALLËZUA PAS RRËZIMIT NGA ANA E TURQISË TË AVIONIT RUS
Para pak ditësh ishte Presidenti Putin i cili akuzoi drejtpërdrejt Turqinë dhe Presidentin Erdogan, se arsyeja e rrëzimit të avionit rus, kishte të bënte me faktin se Rusia po sulmonte naftën e ISIS, që tregtohej në Turqi. Në një reagim pas këtyre akuzave, vetë Presidenti Erdogan tha se nëse Rusia vërteton pretendimet e saj, ai është gati të japë dorëheqjen. Kështu, këtë të mërkurë në Ministrinë e Mbrojtjes Ruse u mbajt një konferencë vetëm për këtë cështje. Rusia pretendon se ka prova. Tanimë është rradha e Presidentit Erdogan për tu përgjigjur.
