Rusia ka filluar programin e saj të vaksinimit kundër COVID-19. Ata që janë më të rrezikuarit nga COVID, do të marrin vaksinën të parët në qendra shëndetësore të Moskës.
Rusia po përdor vaksinën e saj Sputnik V, e cila u deklarua si mbi 90% efektive pak javë më parë dhe tashmë është aprovuar përdorim në popullatë nga autoritetet shëndetësore.
Shkencëtarët që kanë krijuar këtë vaksinë shprehet se ka një efekt deri në 95% dhe nuk shkakton efekte anësore të mëdha.
Mijëra njerëz janë regjistruar tashmë për të marrë dozën e parë nga dy të tilla, por ende nuk është e qartë se sa vaksina do të prodhojë, raporton BBC.
Deri tani sipas raportimeve nga autoritetet, bëhet me dije se deri në fund të vitit do të prodhohen 2 milionë doza.
Nga ana tjetër kryetari i Bashkisë së Moskës, Sergei Sobyanin, njoftoi se të parët që do marrin vaksinën kundër koronavirusit do jenë punonjësit e shërbimit shëndetësor dhe punonjësit social.
Ai tha se lista do të rritej pasi sa më shumë vaksinë do të jenë të disponueshme.
Personat që kanë marrë injeksione në 30 ditët e fundit ose që kanë pasur sëmundje të frymëmarrjes brenda dy javëve të fundit do të përjashtohen, ashtu si ata me sëmundje të caktuara kronike, dhe gratë shtatzëna.
Secili person do të marrë dy injeksione, e dyta 21 ditë pas së parës./ Javanews
g.kosovari
