Marrëdhëniet mes Rusisë dhe Shteteve të Bashkuara prej kohësh nuk janë në nivelet e duhura dhe shpesh ka pasur akuza dhe kundër akuza. Edhe pse me marrjen e presidencës nga Donald Trump aludohet se marrëdhëniet mes dy vendeve do jenë më të mira, në fakt mediat ruse tregojnë të kundërtën.
Mediat ruse, duke iu referuar edhe analistëve shkruajnë se trupat e NATO-s dhe të SHBA-së janë shumë pranë kufirit rus, pasi po tentojnë të mbrojnë shtetet aleate nga agresioni i mundshëm.
Reporteri i ‘RT’, Muraa Gazijev, shkruan se tanket amerikane janë 700 kilometra larg nga Moska, distancë që kurrë më parë nuk ka qenë e arritshme për SHBA-të. Një tjetër reporter rus, Alexander Hansen thotë se po planifikohet sulmi perëndimor “si Napoleoni e Gjermania më parë”.
“Imagjinoni çfarë do të ndodhte nëse tanket ruse do të ishin 700 kilometra larg Washingtonit?”, shkruan ‘Russia Insider’.
