Persona të armatosur kanë vrarë një turist, si dhe plagosën 11 të tjerë në citadelën e Derbentit në Dagestan, zonë e trashëgimisë kulturore të UNESCO-s në Kaukazin verior. Turistët u sulmuan mbrëmjen e së martës, ndërsa gjendeshin përpara fortesës së qytetit, që konsiderohet një ndër më të hershmit në Rusi. Pesë nga të lënduarit janë në gjendje kritike për jetën. Dagestani është pllakosur prej vitesh nga një rebelim i nxitur prej islamikëve, çfarë i detyrohet pjesërisht separatizmit në Çeçeninë fqinje.
Ende nuk dihet me saktësi se kush qëlloi mbi turistët në Derbent, ndërsa agresorët u larguan nga vendngjarja me shpejtësi.
“Me ndihmën e Zotit, luftëtarët e Kalifatit arritën të sulmonin punonjësit e shërbimeve ruse të sigurisë në qytetin e Derbentit, në jug të Dagestanit”, sipas një mesazhi atribuar ISIS-it dhe bërë publik nga SITE.
Një person u vra dhe 11 të tjerë u plagosën pas një shkëmbimi zjarri në një qendër turistike në Dagestan, Republikë ruse e Kaukazit në prag të një rebelimi islamik.
Një burim anonim theksoi për agjencinë publike ruse të lajmeve “Ria Novosti” se viktima ishte një punonjës i shërbimeve të sigurisë ruse.
