Rumania ka nisur një fushatë të padëgjuar më parë për asgjësimin e kafshëve të rrezikshme si arinjtë dhe ujqërit. Vendimi vjen pasi janë shtuar ndjeshëm rastet e sulmeve ndaj njerëzve nga ana e kafshëve të egra që u afrohen ndjeshëm zonave të banuara, shpesh herë pranë qyteteve.
Policët, rojat e pyjeve apo autoritetete të tjera të sigurisë do kenë të drejtën të hapin zjarr për të eliminuar nëse përballen me këto kafshë të egra. Aksioni nis sot, por nuk kanë munguar edhe reagimet negative.
Shoqatat për mbrojtjen e kafshëve kanë nisur protestat kundër vendimit. “Ministria do bënte mirë të kujdeset për të gjetur shkaqet se pse kafshët afrohen në zonat e banuara se sa t’i asgjësojë”, deklaron Christian Papp nga shoqatat për mbrojtjen e kafshëve raporton republica.it.
Në Rumani jetojnë rreth 6 mijë arinj, apo 60 % e gjithë kolonisë që jeton në gjendje të lirë në Evropë. Po ashtu, në Rumani mendohet se jetojnë nëpër pyje mes 2500-3000 mijë ujqër./JavaNews/a.m.
