Deputetja e opozitës së re në Kuvend, Rudina Hajdari i është drejtuar me akuza të forta kryeministrit Edi Rama, pas fjalës që ai mbajti në foltore në seancën plenare.
“Kryeministri foli sikur s’ka qenë në Shqipëri, sikur nuk ka qenë kryetar bashkie për 11 vite në Tiranë, sikur ka ardhur nga një planet tjetër dhe nuk di ca bëhet këtu me ndërtimet pa leje”- tha ajo.
Sipas saj, kryeministri akuzon për këto leje, për cilësinë, për katër katet pa leje etj, “ndërkohë që kush e ka fajin që e betonizoi Tiranën, e kam unë? Kush e betonizoi Durrësin, kush e mbështeti Dakon, unë? Apo kryeministri i ulur këtu në foltore”- tha ajo.
Sipas saj, Kryeministri është shpifësi më i madh dhe jo mediat, ndaj kërkoi që ai të dalë e të flasë sic duhet me shqiptarët.
“Kush e ka fajin për gënjeshtrat që thotë sot ai, që sot në Tirane nuk ka parqe, lojra, janë kthyer në gropa masive për të ndërtuar pallate apo nuk flet për ata se i ka në xhep, me ata ndan pazaret, por merret me qytetarë e thjeshtë që po ndërtokan kate pa leje, ca është ky skandal, ku jemi ne këtu, po si vjen këtu ti që ke 1 vit qe endesh në rrugët e Evropës për të përmbushur egon tënde, nuk ka mbarim egoja, takon Merkel, presidenten e KE dhe nuk ke të ngopur se do të dalësh në foto që të tregosh se je lideri suprem i vendit, a mendon ti që këto takime do i ndryshojnë jetën qytetarëve, këto janë ambicje personale që nuk kanë të bëjë me jetën e qytetarëve, shpifje janë ato që thoni ju, jo mediat që thonë që korrupsioni është rritur, është një raport, nuk e them unë, e thotë TI që thotë se jeni vendi më i korruptuar në rajon, krahasohemi me Afrikën e jugut, me kë po konkurrojmë ne me Sirinë me Afganistanin”, tha ajo.
g.kosovari
