Kryetari i Kuvendit, Gramoz Ruçi ka komentuar protestën e banorëve të Astirit, banesat e të cilëve do të shemben për t’i hapur rrugë ndërtimit të Unazës së Re.
“E di se cdo të thotë të të shembet shtëpia”, deklaroi Ruçi, ndërsa shtoi se populli po paguan fajet e politikës. Asgjë nuk zgjidhet jashtë ligjit, tha Ruçi, teksa bëri thirrje që protestuesit të mos përdoren si mish për top nga politika, shkruan javanews
“Kam ndjekur me vëmendje protestën te Unaza e re, aty po ndërtohet një vepër e madhe publike. Ja di kimetin shtëpisë sepse kam ndërtuar vetë. E di se cdo të thotë të të shembet shtëpia, me apo pa leje. Ata sot po paguajnë, fatkeqësisht, gabimet e politikës, të djeshme dhe sot. Ndryshe flasin kur janë në qeveri, ndryshe kur janë në opozitë. Apeli im do të ishte, kjo marri 28-vjecare duhet të marrë fund. Asgjë nuk zgjidhet jashtë ligjit dhe shtetit juridik. Kjo zgjidhet në bashkëpunim me institucionet. Pronarët do shpronësohen 100%, ata që nuk kanë dokumente, do u paguhet qiraja, do kenë akses në banesat sociale. Kaq na lejon ligji. Të mos përdoren mish për top nga politika”, tha Ruçi
Kryetari i Kuvendit, foli edhe për rastin e efektivës së policisë që humbi gishtat nga protesta e dhunshmë. Sipas Ruçit, kjo i intereson politikës.
“Një vajzë 24-vjeçare humbi gishtat sepse i intereson politikës. Ju bëj thirrje të ulemi dhe të zbatojmë ligjin”, deklaroi Ruçi në një aktivitet me kryeministrin në Libofshë.
Javanews/a.ç
