Kryetari i Bashkisë së Tiranës, Erion Veliaj, ka hedhur në Facebook foto nga puna në dy fronte gjatë dy ditëve të fundit. Albumi i parë është me rehabilitimin e një sheshi te Zogu i Zi, përballë me qendrën Ring.
“Unë nuk e di se sa kohë do na duhet të kthejmë në identitet çdo shesh, por di që nuk do mbyllet asnjë ditë pa ndryshuar të paktën një. #TiranaNjerezore”, shkruan Veliaj në Facebook.
Albumi i dytë tregon rrugën e re për vrapuesit në kodrat e liqenit artificial.
“Rehabilitojmë çdo ditë një pjesë të Tiranës, të vendosur ta fitojmë betejën civilizuese për hapësirën e përbashkët”, është statusi i kryetarit.
