Ka nisur në heqja e të gjitha shkallëve të drurit të cilat janë vendosur nga banorët e zonës së Kukësit, në segmentin Kalimash-Kukës-Morin në rrugën e Kombit. Policia rrugore e Kukësit në kuadër të rritjes së parametrave të sigurisë në këtë rrugë, ka vendosur që ti heqë të gjitha këto shkallë, që nga banorët e zonës shfrytëzohen në vend të mbi e nënkalimeve, por ka paralajmëruar se kushdo që do të rivendosë të tilla shkallë do të penalizohet.
Ka qenë shefi i policisë rrugore, Valentin Florini ai që ka nisur këtë aksion për largimin e shkallëve që janë të vendosura në mes të trafikndarëseve, pasi ka pasur raste kur ato janë bërë edhe burim aksidentesh rrugore. Aksioni ka nisur mesditën e së hënës dhe policia ka hequr 16 shkallë druri në bashkëpunim dhe me kompaninë mirëmbajtëse të rrugës së Kombit.
