Kush do ta marrë koncesionin e rrugës së kombit? Ministria e Transporteve ka çelur ankandin për kompaninë fituese, ndërsa deri më tani 4 kompani kanë shprehur interes.
Marrja me koncesion do të thotë pagesë për të kaluar në rrugë, e kjo pasohet edhe me rritjen e çmimit të biletës për qytetarët.
Në projektin e qeverisë shqiptare të koncesionit, përveç mirëmbajtjes kërkohet edhe përfundimi i disa pjesëve të rrugës, siç janë urat e mbetura mbi lumin Drin midis Kukësit dhe Prizerenit.
Kompania fituese pritet të shpallet më 2 nëntor.
Shuma e parashikuar për të paguar nga automjetet është 5 euro, ndërsa mjetet e mëdha si autobusët dhe kamionët do të paguajnë më shumë.
Koncesioni do të zgjasë për një periudhë 30-vjeçare dhe kompania fituese do të mbledhë dhe të mbajë të ardhurat nga taksa dhe në këmbim do të ketë përgjegjësinë për të zbatuar dhe financuar përmirësimet e autostradës. /Dita/
