E PËRDITËSUAR: Dalin detaje të reja nga ngjarja e rëndë në fshatin Suka të Shkodrës, ku tre persona u goditën nga rrufeja.
Ata janë Cin Lukaj dhe bashkëshortja e tij Leonike Lukaj, si edhe Ndok Vija.
Për gruan ka rezultuar fatale kjo goditje, duke i marrë jetën në vendin e ngjarjes.
Ata kanë qenë duke punuar në arë në momentin që ra rrufeja.
Ndërkohë, dy të plagosurit janë nën kujdes mjekësor, në spitalin e Shkodrës.
***
Një ngjarje e pazakontë për korrikun ka ndodhur ditën e sotme në fshatin Suka të Shkodrës.
Burime nga qyteti veriu bëjnë të ditur se një person ka humbur jetën dhe dy të tjerë janë plagosur pasi një rrufe është shkarkuar pranë tyre, shkruan JavaNews
Mësohet se rrufeja ka goditur një çift dhe një person të tretë.
Policia nuk ka bërë të ditur identitetin e viktimës dhe të plagosurve, ndërsa mësohet se këta të fundit janë dërguar me urgjencë në spital.
Dita e martë është karakterizuar nga mot me vranësira dhe reshje lokale të lehta në disa qytete.
/b.d
