Kryebashkiaku i Kavajes, Elvis Rroshi ka zgjedhur komunën e Golemit për zhvilluar takimin përmbyllës për zgjedhjet lokale të 21 qershorit.
Kandidati i Aleancës për Shqipërinë Europiane, Rroshi ka deklaruar përpara banorëve se pas 21 qershorit do i jepet fund izolimit dhe braktisjes së Golemit. Kandidati i ASHE, është shprehur se nisja e punimeve për furnizimin e rregullt me ujë të pijshëm për këtë komunë, tregon se çdo premtim i dhënë nga ai bëhet realitet, falë edhe mbështetjes së qeverisë së kryeministrit Edi Rama.
Rroshi ka theksuar se takimi që kreu i PD-së Lulzim Basha do të zhvillojë sot në Kavajë, nuk do organizohet në qendër të qytetit, për shkak se Bashës dhe kandidati demokrat Engjëll Carës u vjen turp të hyjnë në qendër të Kavajës.
“Nesër vjen Lulzim Basha në Kavajë, por e dini ku do e bëj mitingun? Në rrugë, sepse i vjen turp të vijë në qendër të qytetit”, ka deklaruar Rroshi.
Kryebashkiaku Rroshi u ka bërë thirrje qytetarëve që më 21 qershor të votojnë për drejtimin e duhur për ta dhe për zhvillimin e bashkisë së madhe të Kavajës
