Ndonëse Shqipëria nuk i ka plotësuar të gjitha kriteret për të nisur negociatat, Komisioni Evropian mund të çel dritën jeshile që në këtë qershor.
Eksperti i sigurisë Arjan Dyrmishi e analizon këtë vendim me rrezikun e ekstremizmit të djathë që po fiton terren në vendet e Bashkimit Evropian.
Në këto kushte sipas tij, Vendimi i komisionit evropian në qershor mund të bazohet në çështjet teknike por ato politike.
“Mendoj qe mund të jetë edhe një mundësi e mirë që vendimi të jetë më shumë i natyrës politike se sa teknike. komisioni aktual dhe këshilli aktual ndoshta duke patur parasysh këtë lloj pasigurie që und të shfaqet pas zgjedhjeve në parlamentin evropian, mund te marri një vendim politik për të çelur negociatat për ti paraprirë problemit që mund të shfaqet“, deklaron Dyrmishi.
Në një intervistë për Televizionin Tema, Dyrmishi u shpreh se partitë ekstreme të djathta në vendet e bashkimit evropianë janë me ideologji nacionaliste, dhe nëse ato fitojnë terren në zgjedhjet e këtij viti në parlamentin evropian atëherë zgjerimi i BE-së është shumë i vështirë. Pasi ideologjitë politike të tyre bazohen në forcimin e kufijve të shteteve përkatëse dhe jo të BE-së.
“Zhvillimi i partive politike ekstremiste shihet si kërcënim edhe për debatin politike edhe për BE sepse këto janë parti qe marrin pjese ne zgjedhje jo për te forcuar BE por për ta dobësuar nga brenda“, tha Dyrmishi.
Për rrezikun e ekstremizmit të djathtë është e vetëdijshme edhe nënkryetarja e komisionit të Integrimit Senida Mesi, e cila në një intervistë për TemA TV u shpreh se opozita në vend që të braktisi institucionet kushtetuese duhet të bashkëpunojë me mazhorancën vetëm për aspektin e integrimit.
“Pavarsish se me opozitën si ne çdo vend te botes mazhoranca ka problematikat e tyre, kur vjen fjala për një qellim qe edhe opozita e ka lajtmotiv te vete, duhet te bashkohen për te çuar përpara integrimin e Shqipërisë“, deklaroi Mesi.
Por shqipëria, a është e rrezikuar që të infektohet nga partitë ekstremiste?,
Sipas Ekspertit të Sigurisë Arjan Dyrmishi, shanset janë shum të pakta. Sipas tij në vendin tonë partitë politike nuk ndahen sipas ideologjive, kjo sipas tij ka penguar edhe zhvillimin normal të vendit tonë.
g.kosovari
