Rritja e çmimeve të gazit natyror ka rritur kërkesën globale për naftë. Sipas Agjencisë Ndërkombëtare të Energjisë (IEA) në raportin e saj mujor, thuhet se temperaturat e larta dhe rritja e çmimeve të gazit natyror kanë bërë të nevojshme që disa vende tani po përdorin naftën për të prodhuar energji elektrike.
IEA parashikoi gjithashtu se kërkesa botërore për naftë duhet të jetë 99.7 milionë fuçi në ditë në vitin 2022. Nga ana tjetër Organizata e Vendeve Eksportuese të Naftës (OPEC) uli parashikimin e saj për vitin 2022 për rritjen e kërkesës botërore për naftë, duke përmendur ndikimin e pushtimit rus të Ukrainës, inflacionit të lartë dhe përpjekjeve për të frenuar pandeminë.
OPEC pret që kërkesa për naftë për vitin 2022 të rritet me 3.1 milionë fuçi në ditë, 260 000 fuçi në ditë më pak nga parashikimi i mëparshëm. Në teori, prodhimi total supozohet të jetë rikthyer në nivelet para pandemisë deri në fund të gushtit, por disa nga anëtarët e saj thuhet se kanë luftuar për të përmbushur kuotat e tyre.
OPEC + deri më tani i ka rezistuar presionit nga Shtetet e Bashkuara dhe konsumatorët e tjerë të mëdhenj të naftës. Kjo bie ndesh me pikëpamjen e IEA, e cila e ngriti parashikimin e saj për rritjen e kërkesës në 2.1 milionë fuçi në ditë, për shkak të kalimit nga gazi në naftë në prodhimin e energjisë si rezultat i rritjes së çmimeve të gazit.
/a.r
