Sipas një raporti të publikuar nga organizata CDC, shkalla e vetëvrasjeve në SHBA këtë vit është rritur në nivelin më të lartë në pothuajse tri dekada. Shkalla e vetëvrasjes është më e theksuar në mesin e njerëzve të moshës mesatare, të racës së bardhë në SHBA, të cilët përbëjnë një të tretën e raportit.
Qendra për kontrollimin dhe parandalimin e sëmundjeve nuk ka ofruar shpjegim për këtë rritje të shkallës së vetëvrasjes, ndërsa, sipas ekspertëve rënia financiare që fillojë në vitin 2008, është një ndër faktorët kryesor.
Por, raporti nuk ka përjashtuar si faktor edhe shkallën e ulët të arsimimit, pasi që duke u bazuar në studime të mëhershme, shkalla e vetëvrasjes ishte më e theksuar në mesin e njerëzve të racës së bardhe, pa arsim të lartë.
Sipas profesorit, Robert Putnam, kjo paraqet një ndërlidhje në mes të varfërisë, shpresës dhe shëndetit.
Sipas raportit të CDC – së, vetëvrasjet në SHBA janë rritur deri në 100 mijë njerëz, që paraqet shkallën më të lartë që nga viti 1986. Në ndërkohë, këtë vit ka rënë numri i vrasjeve dhe vdekjeve të shkaktuara nga kanceri apo sëmundjet e zemrës.
Shkalla e përgjithshme e vetëvrasjeve u rrit në 24 për qind që nga viti 1999 deri në vitin 2014, sipas raportit të organizatës CDC.
Kjo përqindje gjatë vitit 2014 ishte më e ulët në krahasim me vitin 2016, ku rreth 14 mijë njerëz të moshës mesatare kanë vrarë vetën.
