INSTAT publikoi të dhënat mbi Prodhimin e Brendshëm Bruto për 3-mujorin e parë të këtij viti.
Sipas INSTAT, në total PPB për këtë tremujor është rritur me 2.82 për qind krahasuar me të njëjtën periudhë të një viti më parë, raporton Top Channel.
Rritja më e fortë është regjistruar në sektorin e aktivitetit financiar dhe sigurimit, me rreth 13 për qind, aktivitetet profesionale me 7.2 për qind dhe në degën e industrisë dhe energjitikës, me 7.6 për qind.
Rënie ka pësuar dega e informacionit dhe komunikacionit me 2.5 për qind, ndërsa po për të njëjtën periudhë, sipas INSTAT, eksportet janë ulur me 4.9 për qind, ndërsa importet janë rritur lehtë me pak më shumë se 1 për qind.
