Përfshirja e të miturve në veprimtari kriminale, rezulton në shifra shqetësuese në qytetin e Fierit. Vetëm përgjatë vitit 2024 në prangat e policisë kanë rënë 100 fëmijë nën 18 vjec për vepra të ndryshme penale. Arsyet sipas psikologëve janë të ndryshme. Krisalda Sauli thotë për Report Tv se përfshirja e të miturve në aktivitete të paligjshme lidhet kryesisht me problemet brenda familjes dhe frekuentimi jo sistematik i shkollës.
Psikologia thotë gjithashtu se shtysë për prirje të dhunshme sidomos për grupmoshën 13-18 vjec janë edhe tekstet e këngëve që qarkullojnë në tregun muzikor.
Referuar rasteve konkrete të ndjekura nga vetë ajo, psikologia thotë se e sheh të vështirë riintegrimin në shoqëri të tyre.
Sipas statistikave zyrtare të Policisë së Fierit, gjatë vitit të kaluar në përfshirjen e të miturve në veprimtari të paligjshme kryeson drejtimi i mjetit në mënyrë të parregullt dhe pa leje drejtimi me 44 raste. Shqetësuese mbeten edhe të dhënat e përfshirjes së adoleshentëve në krime kundër shëndetit, pasurisë dhe narkotikëve.
