Rritet numri i pacientëve me djegie të lëkurës
Tempertaturat e larta shoqërohen edhe me problemet shëndetësore që hasen kryesisht tek fëmijët dhe mosha e tretë. Nuk janë vetëm virozat apo ethet ato që përbëjnë shqetësim për pacientët .
Një nga problemet më të mëdha dhe që ka rritur edhe fluksin e pacientëve në poliklinikën qëndrore në kryeqytet lidhet me sëmundjet e lëkurës. Sipas dermatologes Brunilda Bardhi fluksi i personave me probleme të lëkurës sa vjen dhe rritet si rezultat i mos kujdesit që tregojnë ndaj rrezeve të diellit.
Dermatologia Bardhi bën apel që jo vetëm të meren masa mbrojtse në orët e pikut të vapës por shpesh herë gjatë ditës fëmijëve t’ju bëhen banja për t’i freskuar dhe për të luftuar temperaturate larta.
Ndërkohë, që më shumë kujdes duhet të tregohet gjatë javës që vjen pasi sipas parashikimeve temperaturat pritet që të kapin kulmin e tyre. Ajo që duhet të bëni në rast se jeni djegur nga dielli janë që të pini sa më shumë ujë dhe të hani fruta që përmbajnë betakarotenë.
Po ashtu, në pjesët e djegura kaloni një garzë të lagur me ujë të ftohtë; bëni dush të ftohtë dhe aplikoni krem për pas diellit.Ndër zgjidhjet natyrale për pas djegies nga plazhi, janë domatet, patatet, bananet dhe kastraveci, të cilat janë shumë të mira për të qetësuar djegiet. Pritini në feta dhe kalojini në mënyrë delikate në pjesën e djegur. Një tjetër zgjidhje shumë e mirë është duke grirë në mikser ose rende pak kastravec dhe duke e përzier me kos. Kjo maskë është freskuese për trupin dhe qetëson pjesën e djegur të tij.
