Dje, Bordi Kombëtar i Administrimit duhet të dilte me një vendim publik që do të përcaktonte një çmim tavan të naftës dhe benzinës, nisur nga fakti që pati një rritje në bursën ndërkombëtare.
Mirëpo në një kohë kur nuk pati asnjë njoftim publik, siç ka ndodhur me rastet e kaluara, karburantet kanë afishuar çmime të reja, ku sot nafta shitet me 221 lekë për litër nga 203 lekë për litër që ishte që prej datës 16 mars.
Nga ana tjetër, benzina po tregtohet më lirë, ndryshe nga deri tani kur ishte përgjithësisht një apo dy lekë për litër më shtrenjtë sesa nafta. Një litër benzinë po tregtohet sot me 211 lekë, nga 206 lekë për litër që ishte më parë.
Prej 2 ditësh, në tregjet ndërkombëtare u vu re një rritje e çmimit të naftës në bursë, ku çmimi i naftës Brent u rrit fuqishëm duke shkuar në 111-112 dollarë për fuçi./ shqiptarja.com
g.kosovari
