Duhet së paku një orë aktivitet fizik në ditë si ecja me hap të shpejtë ose me biçikletë, për të luftuar dëmet e shkaktuara nga 8 orë qëndrimi ulur në punë.
Është ky përfundimi i arritur nga një studim i zhvilluar bazuar mbi një milionë persona, i publikuar në revistën shkencore “Lancet”, i zhvilluar në prag të lojërave olimpike.
Jeta sedentare është e lidhur me rrezikun e shtimit të sëmundjeve kardiake, diabetit dhe disa lloje kanceri, si dhe konsiderohet si shkaku i mbi 5 milionë vdekjeve në vit.
Ekipi i studiuesve të Universitetit të Cambridge dhe të Shkollës Norvegjeze të Shkencave dhe Sportit, thotë se kush qëndron 8 orë ulur në punë, por është fizikisht aktiv, ka një rrezik shumë më të ulët, krahasuar me personat që qëndrojnë më pak orë ulur, por nuk praktikojnë aktivitet fizik.
Studiuesit zbuluan se dëmet e qëndrimit 8 orë ulur, reduktohen ndjeshëm nëse praktikohet mesatarisht një orë në ditë aktivitet fizik, si ecje e shpejtë, ose me biçikletë, citohet Expres. (b.an)
