Ka ndërruar jetë në spital një grua e cila dhunohej nga i shoqi në mënyrë sistematike.
Në një njoftim të shkurtër për mediat, policia njofton si më poshtë:
“Në vijim të komunikatës datë 23.03.2017, më datë 25.03.2018, shtetasja A.Gj ka ndërruar jetë. Nga veprimet e kryera, rezultoi se shkaku i vdekjes është aksidental. Neni 130/a i Kodit Penal”.
Hetimet e policisë kanë rreguar se vdekja ka qenë natyrale, pasi gruaja ka pësuar atak kardiak në spital.
“Më datë 23.03.2018, u referuan materialet Prokurorisë pranë Gjykatës Shkallës Parë Tiranë, për shtetasin I.GJ, vjeç 54, banues në Tiranë, pasi ka ushtruar dhunë psikologjike dhe fizike ndaj bashkëshortes, shtetases A.GJ, vjeç 51 banuese në Tiranë, e cila më datë 21.03.2018, në rrugën “Margarita Tutulani’, është rrëzuar dhe ndodhet në spital. Neni 130/a i Kodit Penal”, thuhet në njoftimin ditën që kishte nisur hetimi për ngjarjen.
Mësohet se gruaja në datën 23 mars, është ndierë keq dhe kalimtarët e kanë dërguar në spital, ku mjekët konstatuan hematoma në trup.
a.ç
