Rrëzohet dëshmia e pilotit, zbardhen hyrje-daljet e italianit në Shqipëri në 2013 e 2014

Pak orë pasi avioni me të cilin udhëtonte u rrëzua në grykëderdhjen e Ishmit mësohet se për pilotin italian Shqipëria nuk është edhe aq e panjohur sa ka deklaruar para grupit hetimor. Guido Andrea Guidi rezulton se, ka hyrë dy herë në vendin tonë, një herë nga Rinasi dhe një herë nga Muriqani, përkatësisht në vitin 2013 dhe 2014. Mësohet se 69-vjeçari ka hyrë në Shqipëri nga Rinasi më 6 nëntor 2013 dhe është larguar po atë ditë nga vendi ynë, raporton “News24”. Ndërsa herën e dytë, ka hyrë nga Muriqani rreth dy muaj më pas, më 10 janar 2014 dhe është larguar të nesërmen përmes aeroportit të Rinasit.