Kryeministri Rama ka paralajmëruar rikthimin e masave kundër koronavirusit nëse situata nuk do të ndryshojë në ditët në vijim.
Në një komunikim të posaçëm në Facebook, Kryeministri u shpreh se gjithçka është në dorën e secilit, dhe nëse numrat do të rriten, masat do jenë të menjëhershme.
“Jam i shqetësuar, dhe dua që ta dini se nuk kam ndërmend të bëj sehir se si shumëkush e ka harruar se armiku i padukshëm nuk ka ikur.
Prej tre ditësh kemi më shumë shtrime në spital. Me keqardhje, por nuk do kemi çfarë të bëjmë dhe do duhet të rifillojmë nga e para, siç po ndodh në vende të tjera. T’i thërrasim mendjes dhe të bëjmë gjënë e duhur për njëri-tjetrin”, tha Kryeministri.
Në tre ditët e fundit janë regjistruar më shumë se 90 raste të reja me koronavirus, dhe autoritetet shëndetësore e atribuojnë këtë situatë te lëshimi i masave.
Por, më keq akoma, rritje ka edhe në radhët e të shtruarve në spital, si edhe atyre në intubim.
/a.r
