“Rezultatet e hulumtimit kanë treguar se më shumë se 75 për qind e mjekëve të punësuar mendojnë të largohen nga shteti. Kjo përqindje është edhe më e madhe – 81% te të rinjtë deri në moshën 35 vjeçe”. Kështu ka thënë sot bashkëpunëtorja në hulumtim në Serbi, mjekja Maja Këristiq, në tryezën e përbashkët për migrimin e punëtorëve të shëndetësisë nga Ballkani Perëndimor, raporton FoNet.
Motiv për të shkuar në botën e jashtme janë rrogat më atraktive, benefitet sociale dhe të tjera, ambienti profesional i punës më i përshtatshëm për zhvillimin e shkathtësive, teknologjitë shëndetësore adekuate, por edhe stabiliteti dhe rregullimi i shtetit, ka shtuar ajo.
