Rreth 40 shqiptarë të Kosovës është numri viktimave të rënë në Lindjen e Mesme, ku ato kanë shkuar të luftojnë krah terroristëve të ISIS.
Lajmi bëhet i ditur nga gazeta kosovare Koha Ditore sipas së cilës organet e sigurisë së Kosovës kanë të dhëna jozyrtare se numri i kosovarëve të vrarë si pjesë e organizatave terroriste të mbledhura rreth Shteti Islamik arrin deri në 40. Vrasjet e tyre janë konfirmuar nga burime të ndryshme, teksa tre kosovarë janë vrarë vetëm javën e kaluar.
Për 30 të vrarë ka të dhëna edhe Ministria e Punëve të Jashtme e Kosovës. Numri i luftëtarëve kosovarë që po luftojnë në Siri dhe Irak, sipas MPJ-së, shkon nga 50 deri në 60, ndërsa numri në total i atyre që kanë qenë atje arrin deri në 300.
Zëvendësministri i Punëve të Jashtme, Petrit Selimi, ka konfirmuar numrin prej 30 të vrarësh atje. Trupat e asnjë prej të vrarëve nuk janë kthyer në Kosovë, ndërsa Naman Demolli është i pari i vrarë në Siri tre vjet më parë.
Redaksia Online
(JavaNews.al)
