Reshjet e shiut kanë shkaktuar rrëshqitje të gurëve si edhe shkëputjen e një pjese shkëmbi nga shpati i një mali.
Me anë të një reagimi zyrtarë të prefekturës së Kukësit është njoftuar se ka nisur puna për pastrimin e rrugëve të bllokuara nga rrëshqitja e dherave pas reshjeve intensive.
Makineritë dhe fuqia punëtore ndodhen në terren, pasi ka rënie gurësh e inertesh të shumta.
Në disa segmente ka prurje të mëdha të ujërave, ku kanë dalë jashtë kanaleve të kullimit.
“Nga informacionet e marra nga përgjegjësit e emergjencave të bashkive situata në 3 bashkitë ka qenë normale, nuk kemi situata emergjente përveç në bashkinë Tropojë kemi një bllokim nga rrënje inertesh të segmentit rrugor që lidh fshatin Markaj me fshatin Tetaj Nj.Ad Lekbibaj. Nga bashkia Tropojë është dërguar një fadromë dhe dy punëtorë për çbllokimin e saj.
Rrugët nacionale në Qarkun Kukës janë të kalueshme, ku nga firmat kontraktore që kanë në performance këto rrugë po punojnë për mbajtjen në gatishmëri të tyre si në largimin e inerteve dhe hapjen e turbinave. Rruga Ura e Zapodit-Shishtavec ngelet problematike sepse mirëmbahet nga bashkia Kukës. Nj.Ad administrative Shishtavec janë dërguar punonjës për të mbajtur në gjendje të kalueshme këtë segment.” njofton prefektura e Kukësit.
g.kosovari
