Një shtetas 37-vjeçar nga qyteti i Sarandës është rrëmbyer katër ditë më parë ndërsa familjarët i bëjnë thirrje ministrit Saimir Tahiri që t’i ndihmojë në gjetjen e tij.
Ridvan Lamaj mësohet të jetë marrë në bulevardin e Sarandës, mësohet nga dëshmitarët, ndërkohë që ka qenë bashkëshortja ajo që ka bërë kallzimin në komisariatin e qytetit jugor.
Sipas saj, përballë një diskoje i shoqi është rrahu nga katër persona dhe nën kërcënimin e armëe është futur në një automjet.
Ngjarja ka ndodhur mbrëmjen e së mërkurës, ndërkohë që familja nuk ka pasur asnjë kontakt me Lamajn.
Në komunikatat e policisë ngjarja nuk është raportuar, duke e mbajtur të fshehtë për disa ditë për arsye hetimore.
Në kushte të tilla, familja është detyruar ‘të hetojë’ vetë duke dalë në konkluzionin se rrëmbyesit janë larguar përmes Rinasit.
Mirjeta Lamaj, bashkëshortja e të humburit si dhe babai i tij, i kërkojnë ministrit Tahiri të gjejë djalin e saj.
Ridvan Lamaj dyshohet të ketë qenë i përfshirë në trafikun e narkotikëve drejt Greqisë, ndërsa policia ka marrë në pyetje rreth 22 dëshmitarë në lidhje me rrëmbimin.
