Abuzimi seksual dhe dhuna në Shtëpinë e Fëmijës në Shkodër na tronditi të gjithëve. Së fundmi “Shkodra News” ka publikuar një video, ku një vajzë e quajtur Ana rrëfen sesi abuzohej ndaj saj ndër vite.
Ajo tregon se roja i derës i jepte një mijë lekë dhe më pas e puthte dhe e prekte duke bërë më tej veprime të tjera të turpshme.
“Roja i derës më falte 1 mijë lekë. Unë e merrja si më vinte mbrapa më prekte, më puthte, sot e di se çfarë domethënë ajo puthje atëherë nuk e dija. Ma hapte gojën dhe ma lente pështymën këtu….është një person që nuk dua ti jap emër ka qenë punonjës aty…tentoi të më prekte unë i thashë mos më prek dhe ma futi me grusht, aty humba ndjenjat, kur jam zgjuar e kam parë veten në një vend me gura…Më lanë aty, kam pa një çift dhe më kanë ndihmuar”. “I jam drejtuar policisë por s’mund të bëj gjë policia, s’kam ca me bo thotë”. “Kërkoj vetëm një person që të më mbështesë që më siguron, me më premtuar që nuk ka me ndodh gjë prej këtyre personave, dhe jam gati të tregoj çdo gjë që ka ndodhur”, thotë vajza në rrëfimin e saj.
Vajza i është drejtuar policisë, por ata nuk e kanë ndihmuar. Për këtë arsye ajo thotë se është e gatshme të tregojë gjithçka, por kërkon mbrojtje, pasi ndihet e braktisur.
Ajo që e bën edhe më tronditëse këtë ngjarje është fakti se përdhunimi ndaj vajzës nisi në Shtëpinë e Fëmijës dhe më pas u bë rruga e jetës së saj. Ajo ka punuar prostitutë duke thënë se fillimisht punonte për llogari të të tjerëve, por më pas u bë një burim jetese për të.
Ana ka shkuar në shkollë, por për shkak të sjelljes së saj, edhe nga aty është përjashtuar dhe rruga e ka bërë jetën e saj edhe më të zezë. Ajo sot kërkon të tregojë gjithçka, madje edhe për vajzat që kanë përjetuar këtë gjë, por kërkon mbrojtje dhe mbështetje që personat përgjegjës të mos i bëjnë keq.
