Ina Balla, 36-vjeçarja që po lufton me sukses sëmundjen e kancerit të gjirit, tashmë do të ketë një liçencë që të mund të shesë në rrugë.
Bashkia e Tiranës i ka dhënë liçencën si shitëse ambulante. Në këtë mënyrë bashkia i është përgjigjur thirrjes së vajzës së Inës, Sarës të bërë vetëm pak javë më parë në Report TV.
Dhe sot bashkia i ka firmosur lejen e parë për Ina Ballën, në kuadër të fushatës për pajsije me licensë të shitësve ambulantë.
Tashma Ina do të mund të shesë pranë Stacionit të Trenit, në Bulevardin Zogu i Zi.
Ajo shprehet se nuk do lodhet nga sëmundja dhe do punojë për 2 vajzat e saj, në mënyrë që t’ju sigurojë të ardhura për tu arsimuar.
36-vjeçarja tregon se ndihma e bashkisë, do të bëjë të mudur që të mos shqetësohet nga policia bashkiake kur të shesë produkte të ndryshme në bulevard.
Ina është përballur me sfida të shumta, ku vetëm pak muaj më parë ndodhej në një situatë të vështirë ekonomike, por edhe psikologjike për shkak të kancerit të gjirit.
Sot ajo ka një tjetër sfidë pasi duhet të heqë mitrën dhe për këtë do kryejë një operacion, por thotë se tashmë nuk ka frikë për asgje. “Do ta kaloj edhe këtë vështirësi, pastaj do të punoj”, na thotë plotë besim te vetja se tashmë do t’ja dalë.
