Në ditën e dytë të dëshmisë në Gjykatën e Lartë, Princ Harry, i cili përherë ka ruajtur privatësinë, dje zbuloi vullnetarisht detaje mbi jetën e tij të dashurisë, duke përfshirë në rrëfim edhe një vizitë në një klub striptizmi.
38-vjeçari dha gjithashtu detaje të një takimi “surprizë” në Argjentinë me ish të dashurën Chelsy Davy.
Harry diskutoi gjithashtu pretendimet në gazeta se ai u kap duke flirtuar me një bjonde në një ndeshje regbi, duke thënë se ajo ishte vetëm një mikeshë e tij.
Ai madje zbuloi gjithçka për një modele që u ul në prehrin e tij gjatë një udhëtimi në klubin e vallëzimit “Spearmint Rhino” me shokët e ushtrisë në prill 2006.
Duke iu referuar një artikulli në gazetë, Harry i tha gjyqtarit Justice Fancourt se ishte “faktikisht e pasaktë” që kërcimtarja lituaneze, e cila ishte lakuriq, dukej si Chelsy Davy.
Në një deklaratë dëshmitari prej 55 faqesh në rastin e tij kundër Gazetave Mirror Group (MGN), Harry u ankua se ishte portretizuar padrejtësisht si Princi i Playboy.
Por ai foli për një varg femrash, duke përfshirë marrëdhënien e tij të vitit 2009 me Caroline Flack. Ai kujtoi një natë pokeri në prill 2009, duke pretenduar se detaje prej saj ishin publikuar në mënyrë të paligjshme.
Ai i tha gjykatës: “Kjo mbrëmje ishte rreptësisht private mes meje, Caroline, e cila nuk është më me ne, dhe mikut tim Mark Dyer. Ne të tre i dërguam mesazhe zanore njëri-tjetrit, se si do të ndodhte ajo natë pokeri.”
Harry gjithashtu tha se një histori e vitit 2006 rreth kërcimit në prehërin e tij të një striptisteje erdhi nga “mbledhja e paligjshme e informacionit”, pavarësisht se vinte nga një profesionist i pavarur dhe gjykatësi tha se raporti nuk shtoi “asgjë thelbësore” në atë që ishte shfaqur tashmë në artikuj të tjerë.
/a.r
