Kryetarja e LSI-së Monika Kryemadhi ka bërë një deklaratë të fortë këtë mbrëmje duke deklaruar se ditën e djeshme në Llakatund të Vlorës një person është gjetur pa kokë.
E ftuar në emisionin Open në Top Channel, Kryemadhi u shpreh se policia me të gjetur trupin ka fshehur ngjarjen e rëndë.
“Dje në Llakatund të Vlorës u gjet një person me kokë të prerë dhe s’ka asnjë njoftim, u fsheh ngjarja”.
Kryemadhi ka shtuar më tutje se ajo dhe të gjithë deputetët e opozitës, përfshi këtu dhe familjet e tyre, survejohen nga SHISH dhe Policia, struktura që drejtohen nga qeveria.
“Unë jam survejuar nga SHISH, nga Policia, nga struktura e kësaj qeverie nga pastrimi i parave, jo vetëm unë por të gjithë deputetët edhe familjarët tanë”.
/b.d
