E denjë për një thriller dhe tej imagjinatës. E tillë është historia e prostitutës më të famshme në Ballkan. Pasi u arrestua herën e fundit, numrat dhe e-mailet e zyrtarëve më të lartë shtetërorë si dhe të biznesmenëve më të pasur në rajon u gjetën në telefonin e saj. Zeljka Rolovic u arrestua disa herë nga policia për organizim elitar të prostitucionit në Montenegro, dhe në jahtet ku vinin klientët e saj, shiheshin shpesh sportistët e famshëm kroatë, shkruajnë mediat serbe. E njohur si Madam Seljka, këto ditë ajo rrëfeu detaje për jetën e saj të turbullt.
‘Unë erdha në universitet në Beograd por hyra në elitën e prostitucionit dhe më pëlqeu. Unë isha dhjetë vjeçare kur babai e vrau nënën time, vjehrrën dhe më pas veten. Tre plumba për njërën, tre për tjetrën dhe një për veten. Ai kishte menduar me muaj për këtë gjë.
Nëna më lindi kur ishte 16-vjeçare. Ajo mbeti shtatzënë në moshën 15 dhe më solli mua në jetë në moshën 16, pastaj vëllanë Zeljo në moshën 17 vjeç. Nëna punonte si pastruese në spital dhe babai e donte shumë.
Por ai ishte shumë xheloz, rrinte i dehur tërë kohën dhe nëna ime nervozohej me të. Kur dëgjonim muzikë, e dinim se babai po vinte i dehur në shtëpi. Ai gjithmonë merrte dinarë dhe paguante muzikantë që të këndonin në shtëpinë tonë. Ai ulej tek tavolina dhe pinte, ndërkohë që dy-tre njerëzit që vinin për të kënduar, vazhdonin derisa atë e zinte gjumi. Më pas, ata shkonin në shtëpitë e tyre’- rrëfen Madam Zeljka, tani 39 vjeçe. Ajo e kuptoi se babai i saj ishte i dhunshëm. Ai ndonjëherë e godiste nënën.
Prindërit nuk u morën kurrë me fëmijët, ndaj Zeljka dhe vëllai u ndjenë të neglizhuar, rrinin vazhdimisht në rrugë dhe kur i mbushën 7-8 vjeç, përfunduan në jetimoren Bijela pranë Herceg Novit. Zeljka atje vodhi këpucë, sanduich, uiski e gjëra të tjera për babain e saj…mori pjesë në luftime, bëri gjëra skandaloze. “Unë dh… në kokën e një vajze derisa ajo ishte duke fjetur. Ajo më urrente mua…Oh, çfarë kemi bërë”, thotë Zeljka, derisa tregon se ka ikur nga jetimorja në moshën 14-vjeçare.
Ajo kaloi dy ditë në shtëpi me gjyshin e vdekur, gjë që tregon se sa e lënë pas dore ka qenë ajo. “Gjyshi i kishte vdekur nga alkooli, kur ajo ishte pesë vjeç dhe nuk e dinte fare se po rrinte me një të vdekur në shtëpi. Një ditë, ai nuk u ngrit më nga shtrati. Unë dhe vëllai menduam se ai po flinte. Dy ditë ne e thirrëm për ta zgjuar. Kur xhaxhai dhe halla erdhën për të na marrë, zbuluam se ai kishte vdekur”.
ma.me
