Legjenda e Kombëtares Shqipëtare, Lorik Cana, rekordmeni i ndeshjeve të luajtura me kombëtaren kuqezi, iu është përgjigjur shumë pyetjeve të fansave të tij në Instagram, njofton “Kumanova Press”. Njëra nga pyetjet donte të dinte nëse është besimtar dhe e praktikon fejën islame. Cana deklaroi se falet, por jo rregullisht, ndërsa nesër do të shkojë në xhuma:
“Jam besimtar, falem. Pak me mungesa, por falem. Nesër është e xhuma dhe do të shkoj në xhami. Kur e kam takuar gruan, ajo nuk besonte te Zoti, por kam arritur ta bind. E rëndësishme është se tani ajo beson te Zoti”.
Në fund, gjakovari ka treguar edhe pse nuk është bërë ndihmëstrajner te Shqipëria dhe kur do ta luajë ndeshjen e lamtumirës me kombëtaren kuqezi: “Nuk jam bërë zëvendëstrajner i Shqipërisë sepse kam pasur nevojë për pushim. Jam duke menduar për ndeshjen e lamtumirës që do të jetë edhe kthimi im në Kombëtare. Besoj do të bëhet gjatë vitit 2017”./b.d
