39-vjeçarja thotë për Report Tv se është dhunuar edhe herë të tjera në rrugë. Pavarësisht se ka 3 urdhra mbrojtje nga gjykata, ish-bashkëshorti ka ushtruar dhunë psikologjike dhe fizike sa herë që takohej me të.
Por në një kohë që përballet me dhunën e ish burrit, sot Marsela e ka të vështirë për të rritur 3 fëmijët e saj mitur, 12, 5 dhe 3 vjeç. Ajo gjendet në vështirësi ekonomike, ndërkohë që jeton vetëm me një ndihmë ekonomike prej 4500 lekë. Nëna e Marselës tregon dhomën ku jetojnë fëmijët dhe Marsela.
Nëna e 39-vjeçares thotë se Marsela është dhunuar gjatë gjithë kohës, ndërsa Policia nuk ka bërë asgjë për mbrojtjen e saj.
Kushtet në të cilat jeton me tre fëmijët janë të mjerueshme, nëna e Marselës, Lefteri Çaushaj pranon se nuk është në gjendje t’i ofrojë vajzës së saj një jetë më të mirë.
Ndërsa ka bërë thirrje për ndihmë dhe ka apeluar për ndëshkimin e ish-bashkëshortit të vajzës, të trembur janë edhe dy fëmijët më të vegjël të familjes, Ana 5 vjeç dhe Anxhelo të cilët kanë qenë bashkë me nënën në momentin që babait i tyre ka qëlluar brutalisht mbi të
