Bie në pranga një 41-vjeçar në Dibër i cili grushtoi dhe goditi me sende të forta një person.
Mësohet se personi i arrestuar është Bujar Tosku, banues në fshatin Fushë- Alie, Dibër.
Kapja dhe ndalimi i tij u bë pasi ky shtetas me datë 15.07.2018, për motive të dobëta ka goditur me grushte dhe sende të forta shtetasin H.P., 48 vjeç, dhe u largua nga vendngjarja ku dhe u shpall në kërkim.
Gjykata e Rrethit Gjyqësor Dibër për këtë shtetas ka vendosur masën e sigurisë “Arrest me Burg”, për veprën penale “ Plagosje e rëndë me dashje”.
Materialet proceduriale do ti kalojnë Prokurorisë Pranë Gjykatës së Shkallës së Parë Dibër, për hetime të mëtejshme.
/b.d
